1 Coríntios 11

24 ಧನ್ಯವಾದ್ ಕರೀನ್, ತೋಡಿನ್ "ಆ ತುಮಾರಖ್ಹಾಜೆ ಹುಯಿರ‍್ಹುತೆ ಮಾರು ಶರೀರ್, ಮನ ಯಾದ್‌ಕರಾನಖ್ಹಾಜೆ ಅನ ಕರೊ" ಕರಿ ಬೋಲ್ಯೊ. 25 ಯೋಸ್ ಪರಕ್ಮ ಖಾಣು ಹುವಾದಿನ್ ಇನೆ ಕಟೋರಿನ ಪಾಡೀನ್ ಬೋಲ್ತೊಹುಯಿನ್, "ಆ ಕಟೋರಿ ಮಾರ ಲ್ಹೋಯಿಥಿ ಮುದ್ರೊ ನಖೈರ‍್ಹೂತೆ ನವು ಒಪ್ಪಂದ ಹುಯಿರುಸ್. ತುಮೆ ಅನಾಮ ಪೀಯಾನಿ ಖ್ಹಾರಿ ವಖ್ಹ್‌ತೆ ಮನ ಯಾದ್ ಕರಿಲ್ಯಾವಾನಖ್ಹಾಜೆ ಪೀಯೊ" ಕರಿ ಬೋಲ್ಯೊ.

26 ಶನಕತೊ ಕದೆಕದೇಬಿ ತುಮೆ ಆ ರೋಟಾನ ಖಾಸ್ಕಿ,ಅಜು಼ ಆ ಕಟೋರಿಮ ಪೀಯಾಸ್ಕಿ ತದೆ ಯೊ ಆವಾನಿ ವಖ್ಹ್‌ತೆ ಪ್ರಭುನಿ ಮರಣ್ಣ ಊಚು಼ ಪಾಡ್ತು ರ‍್ಹಿಶು. 27 ಅಮ್‍ಛಾ಼ತೆ ಇನಖ್ಹಾಜೆ ಕೋಣ್‌ತೋಬಿ ನಾಲಾಯಕ್‌ ಹುಯಿನ್ ಪ್ರಭುನ ರೋಟಾನ ಖಾದುತೊ ಕೊಯಿಂತೊ, ಇನ ಕಟೋರಿಮ ಪೀದುತೊ ಯೋ ಪ್ರಭುನ ಶರೀರ್‌ನಾಬಿ ಲ್ಹೋಯಿನಾಬಿ ಧೋಕ ಕರಾವಾಳೊ ಹುಯಿರ‍್ಹಿಶೆ. 28 ಕತೋಬಿ ಹರೇಕ್ ಅದ್ಮಿ ಇನು ಯೊ ತರೀಪ್‌ಶ ಕರಿಲ್ಯವಾಳೊ ಹುಯಿನ್ ಯೊ ರೋಟಾಮ ಪಾಡಿಲೀನ್ ಖಾವಾದೆ, ಯೋ ಕಟೋರಿಮ ಪೀಯಾದೆ.