ಖ್ಹಂಗ್ನ ವಿಶ್ವಾಸಿಯೊಮ ಅಬ್ಬಾಜ಼ಬ್ಬಿ
1 ತುಮಾರಮ ಏಕ್ಜ಼ಣಾನ ಬಿಜೇಕ್ ಜ಼ಣಾಪರ್ ಶನುತೋಬಿ ವಿರೋದ್ರ್ಹಯುತೊ ನ್ಯಾವ್ನ ವಿಚಾರ್ನ ದೇವ್ನ ಅದ್ಮಿವೋಕನ ಲೀನ್ಗಯುಕೊಂತೆ, ದೇವ್ನ ವಿಶ್ವಾಸ್ಕೊಂತೆ ಅದ್ಮಿನಖ್ಹಾಮ್ಣೆ ಲೀನ್ ಜಾ಼ವೋಸ್ಕಿ ಶು? 2 ದೇವ್ನು ಅದ್ಮಿಖ್ಹಾರು ಜಗತ್ನ ತೀರ್ಪ್ಕರ್ಶೆಕರಿ ಬೋಲಾನು ತುಮೂನ ಮಾಲುಮ್ ಕೊಯ್ನಿಕಿಶು? ಜಗತ್ತಸ್ ತುಮಾರೇಥಿ ತೀರ್ಪ್ಲ್ಯವಾನು ಹುಯಿರ್ಹುತೊ ಅಥ್ರಾನಿ ದರಾಶಿ ವಾತೆನಿ ಬಾರೇಮ ತುಮೆ ತೀರ್ಪ್ಕರಾನ ಯೋಗ್ಯ ಕೊಯ್ನಿಕಿ ಶು? 3 ಅಗ್ಲ್ಯ ದನ್ಮ ಅಪ್ಣೆ ದೇವ್ನ ದೂತರ್ನಾಬಿ ನ್ಯಾವ್ ಫೇಡಾವ್ಶುಕರಿ ಬೋಲಾನು ತುಮೂನ ಮಾಲುಮ್ ಕೊಯ್ನಿಕಿಶು? ಅಮ್ರ್ಹವಾಪರ್ ಆ ಜಗತ್ನಿ ಜೀವಿತ್ನ ಬಾರೇಮಾಬಿ ಕೆತ್ರೇಕ್ಕಿ ಮಹಾನ್ ಕಾಹೆಕಿಶು? 4 ಅಮ್ರ್ಹವಾಪರ್, ತುಮಾರಮ ಕಚ಼್ಚರ್ ರ್ಹೀನ್ ಇನ ನ್ಯಾವ್ನಕರಾನು ಜ಼ರೂರತ್ ರ್ಹವಾನಿವಖ್ಹ್ತೆ ಸಬೆಮ ಖ್ಹಾಯಿಕೊಂತೆ ಅದ್ಮಿಕನ ಆ ಖ್ಹಾರಿವಾತೆನಿ ಲೀನ್ ಶನಜಾ಼ವೋಸ್? 5 ತುಮೂನ ಖ್ಹರಮ್ಕಾಡಾನ ಟೇಕೆ ಮೆ ಅಮ್ ಬೋಲುಸ್ಕಿ, ವಿಶ್ವಾಸಿ ಭೈಯೇನ ಇಚ಼್ಮ ನ್ಯಾವ್ನ ಪರ್ಖಿಲ್ಯವಾಳು ಅಕ್ಲಿ ತುಮಾರಮ ಏಕ್ಜ಼ಣೂಬಿ ಛಾ಼ಕಿಶು?
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)