1 ಕೊರಿಂಥ 7

8 ಬಿಣ್‍ ವ್ಯಹಾವಾಳು ಅಜು಼ ಮುಂಡಚ್ಚಿಯೇನಿ ಬಾರೇಮ ಮೇ ಬೋಲಾನು ಶಾತ್‍ಕತೊ, ಮೇ ರ‍್ಹವಾನಿಘೋಣಿ ಎಕ್ಲೊ ರ‍್ಹವಾನುಸ್ ಇವ್ಣುನ ಅಛ್ಛು಼. 9 ಇವ್ಣೆ ಖ್ಹಮಾಳಿನ್ ನಾರ‍್ಹಯುತೊ, ವ್ಯಹಾಕರಾದೆ. ಶನಕತೊ ಭೋಗ್ನಿ ಹರಖ್ಹ್‌ಥಿ ಕೊರ್‌ಗಾಥೀಬಿ ವ್ಯಹಾ ಕರಿಲ್ಯಾವನುಸ್ ಬರೋಬರ್. 10 ವ್ಹೆತ್ಯಾವ್ನ ಮೇ ಆ ಹುಕುಮ್ ದೆವುಸ್. ಆ ಹುಕುಮ್ ಮಾರುಕಾಹೆತೆ ಪ್ರಭುನು ಹುಯಿರ‍್ಹೂಸ್. ಬಾವಣ್‍ ಇನ ಬಾವ್ರಿನ ಮ್ಹೇಲ್ನುಸ್ ನಾ. 11 ಬಾವಣ್‍ ಇನ ಬಾವ್ರಿನ ಮ್ಹೇಲಿದಿದಿತೊ ಯೊ ಹುಯಿರೀತೆ ಅಜೇಕ್ ವ್ಯಹಾ ನಾಕರ‍್ನು. ನಾರ‍್ಹಯುತೊ ಬಾವ್ರಿನ ಜೋ಼ಡ್ಮ ಪಾಛು಼ ಮಳಿಜಾ಼ವ್ಣು. ಅಜು಼ ಬಾವ್ರಿ ಇನಿ ಬಾವಣ್ಣ ನಾ ಮ್ಹೇಲ್ನು.