Hebreus 9

ಧರ್ತಿನು ಅಜು಼ ಪರಲೋಕ್ನು ಆರಾದನೆ

1 ಪಹಿಲ ಒಪ್ಪಂದಾಮ ಆರಾದನೇನು ರೀತಿರಿವಾಜ್‌ ಅಖ್ಖುಥು ಅಜು಼ ಯೊ ಝ಼ಗೋ ಅಛ್ಛು಼ಥು. 2 ಏಕ್‌ ದೇವ್‌ನೊ ದರ್ಶನನೊ ಡೇರೊ ಭಾರ್‌ ಠೋಕೈರ‍್ಹಿನ್, ಇನ ಪಹಿಲ ಭಾಗ್‌ಮ, ಇನ ಪವಿತ್ರಝ಼ಗೊಕರಿ ಬೋಲ್ತುಥು. ಇನಾಮ ದೀವೊ, ಮೇಜ್ ಅಜು಼ ದೇವ್ನ ಸಮರ್ಪಣ್‌ಕರ‍್ಯೊ ಹುಯೊ ರೋಟೊ ಹಿಜ್ಜಾ಼ ರ‍್ಹೇತುಥು. 3 ಅಜು಼ ಬೇನು ಪಡ್ದಾನ ಪೀಠೆ ರ‍್ಹೇಸ್ತೆ ಕೋಣಾನ, ಘಣು ಪವಿತ್ರಝ಼ಗೊಕರಿ ಬೋಲ್ತುಥು. 4 ಇನಾಮ ಖ್ಹೊನ್ನಾನಿ ಖ್ಹಾಲರ‍್ಯಾನು ಢಾಕ್ಣಿಬಿ ಅಜು಼ ಖ್ಹೊನ್ನಾನು ತಗ್ಡು ಲಗಾಡ್ಯುಹುಯು ಒಪ್ಪಂದಾನು ಪಿಟಾರೊ ಥು. ಯೋ ಪಿಟಾರಾಮ ಮನ್ನ ನಖೈರ‍್ಹಯುಹುಯು ಖ್ಹೊನ್ನಾನಿ ಕಟೋರೊಬಿ, ಆರೋನನು ಚಿಗುರ್ ಮ್ಹೇಲ್ಯೊಹುಯೊ ಲಠ್ಠೊ ಅಜು಼ ದಖ್ಹ್‌ ಹುಕುಮ್‌ ಲಿಖಾಯುಹುಯು ಒಪ್ಪಂದಾನು ಬೇ ಬಂಡಾನು ಪಲ್ಗು ಥು. 5 ಯೊ ಪಿಟಾರನಪರ್ ದೇವ್ನು ಮಹಿಮೆನು ವತಾಳನು ಕೆರೂಬಿಕರಿ ಬೇ ಪರಿಯೇ ಫಾಕ್ಡಿ ಪಖ್ಹಾರಿನ್ ಯೊ ಝ಼ಗೊ*9:5 ಪಾಪ್ ಕ್ಷಮಾಪಣ್‌ನಿ ಝ಼ಗೊ ಅಖ್ಖು ಮೂಚಿರಾಖ್ಯುಥು. ಇನ ಹಮ್ಕೆ ಏಕೇಕ್‌ ಛೋ಼ಡಿಬೋಲಾನ ಕೊಹೊಯ್ನಿ.