João 3

3 ಇಮ್‌ ಬೋಲ್ತಾನ ಯೇಸುನೆ, "ಮೇ ತುನ ಖ್ಹಾಚಮಾಬಿ ಬೋಲುಸ್ಕಿ, ಕೋಣ್‌ತೋಬಿ ಏಕ್‌ ಜ಼ಣು ದೇವ್ನಿ ರಾಜ್ಯಮ ಪಾಛು಼ ಪೈದಾ ನಾ ಹುಯೂತೊ, ದೇವ್‌ನು ರಾಜ಼್‌ನ ದೇಖಾನ ಕೋ ಹುವಾನಿ?" ಕರಿ ಬೋಲ್ಯೊ.

4 ತದೆ ನಿಕೊದೇಮನೆ ಯೇಸುನ, "ಏಕ್‌ ಅದ್ಮಿ ಬುಢು ಹುಯಿಜಾ಼ವಪರ್, ಪಾಛು಼ ಪೈದಾ ಹುವಾನ ಕಿಮ್ ಉಷೆ? ಯೋ ಅದ್ಮಿ ಪಾಛು಼ ಇನಿ ಆಯಾನ ಗರಬ್‌ಮ ಪೇಶಿನ್, ಪೈದಾ ಹುವಾನ ಕೋ ಹುವ್ವಾನಿನಿ! ಕರಿ ಬೋಲ್ಯೊ.

5 ಇಮ್‌ ಬೋಲ್ತಾನ ಯೇಸುನೆ, "ಮೇ ತುನ ಖ್ಹಾಚಮಾಬಿ ಬೋಲುಸ್ಕಿ, ಏಕ್‌ ಅದ್ಮಿ ಪಾಣಿಥೀಬಿ, ಆತ್ಮಥಿ ಪೈದಾ ನಾ ಹುಯೂತೊ,*3:5 ಪಾಣಿಥೀಬಿ, ಆತ್ಮಥೀಬಿ ಬ್ಯಾಪ್ತಿಸ್ಮ ಲೇವ್ಣುಕರಿ ಮತ್‌ಲಬ್. ಯೋ ದೇವ್ನಿ ರಾಜ್ಯಮ ಜಾ಼ಶೇಸ್ ಕೊಯ್ನಿ. 6 ಏಕ್‌ ಜ಼ಣೊ ಶರೀರ್‌ಥಿ ಪೈದಾ ಹುಯಿರೊಸ್. ಕತೋಬಿ ಆತ್ಮೀಕಥಿ ರ‍್ಹವಾಳೊ ಯೊ ಆತ್ಮಥಿ ಪೈದಾ ಹುವ್ವವಾಳು ಹುಯಿರ‍್ಹುಸ್‍. 7 ತುಮೆ ನವೇಥಿ ಪೈದಾ ಹೋಣು ಕರಿ ಬೋಲ್ಯೋತೊ ಇನ ಆಶ್ಚರ್ಯ ನಾಖಾವ್ಣು. 8 ವಹಿರೊ ಇನ ಕಿಮ್ ಹೋಣುಕಿ ತಿಮ್ ವಾಗ್‌ತು ರ‍್ಹೇಸ್‌; ಇನೊ ಅವಾಜ಼್ ತುನ ಖ್ಹಮಜ಼್ ಪಡಾಸ್‌, ಪಣ್ಕಿ ಯೋ ಕಿಜ್ಗಾ಼ಥು ಉಳ್ಯಾವಾಸ್‌ ಅಜು಼ ಕಿಜ್ಗಾ಼ ಉಳ್ಯುಜಾ಼ಸ್‌ ಕರಿ ತುನ ಮಾಲುಮ್‌ ಪಡಾಕೊಯ್ನಿ, ಆತ್ಮಥಿ ಪೈದಾ ಹುವ್ವವಾಳು ಖ್ಹಾರೂಬಿ ಇಮ್ನೀಸ್‌ಘೋಣಿ ಹುಯಿರ‍್ಹೂಸ್" ಕರಿ ಬೋಲ್ಯೊ.