ಯೇಸುನೆ ಗೋರ್ಕರಾವಾಳೊ ಸಮಾರಿಯಾನಿ ಮತ್ಲಬ್ನಿ ಖೇಣಿನ ಬೋಲ್ಯೋತೆ
25 ತದೆ ಮೋಶೇನು ಧರ್ಮಶಾಸ್ತ್ರ ಶಿಕಾಡವಾಳು ಶಾಸ್ತ್ರಿ ಏಕ್ ಜ಼ಣು ಉಠಿ ಐನ್, ಯೇಸುನ ಖ್ಹಪ್ಡಾವ್ಣು ಕರಿ, "ಗುರು, ಹಮೇಶಾನಿ ಜಿ಼ಂದ್ಗಿ ಮಳ್ಣುಕತೊ ಮೇ ಶಾತ್ ಕರ್ನು? ಕರಿ ಯೇಸುನ ಫುಛಾ಼ಯೊ.
26 ತದೆ ಯೇಸುನೆ ಇನ, "ಮೋಶೇನು ಧರ್ಮಶಾಸ್ತ್ರಮ ಶಾತ್ ಲಿಖೈರ್ಹುಸ್? ಇನ ತೂ ಕಿಮ್ ಪಢ್ಯೋಥೊ?" ಕರಿ ಪುಛಾ಼ಯೊ.
27 ಇನೆ ಜವಾಬ್ ದಿದೋಕಿ, "ತಾರೊ ದೇವ್ ಹುಯಿರ್ಹೋತೆ ಪ್ರಭುನ, ತಾರೊ ಪೂರ ದಿಲ್ಥೀಬಿ, ತಾರೊ ಪೂರ ಜಾನ್ಥೀಬಿ, ತಾರಿ ಪೂರ ಶಕತ್ಥೀಬಿ, ತಾರೊ ಪೂರ ಮನ್ಥೀಬಿ ಪ್ಯಾರ್ ಕರ್ನು, ಅಜು಼ ತಾರ ಭೀಡೆವಾಳಾನ ತಾರೀನಿಘೋಣಿಸ್ ಪ್ಯಾರ್ ಕರ್ನು ಕರಿ ಲಿಖೈರ್ಹುಸ್" ಕರಿ ಜವಾಬ್ ದಿದೊ.
28 ಯೇಸುನೆ ಇನ, "ತುನೆ ಬರಾಬರ್ಥಿ ಜವಾಬ್ ದಿದೊ. ಇಮ್ಮಸ್ ಕರ್, ತದೆ ತೂ ಕದೇಬಿ ಜಿವ್ತು ರ್ಹೀಶ್ ಕರಿ ಬೋಲ್ಯೊ.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)