38 ಯೋ ಭೀಡ್ಮಾಥು ಏಕ್ಜ಼ಣಾನೆ, "ಗುರು, ಮಾರ ಛಿಯ್ಯಾನ ದೇಕ್ಕರಿ, ತುನ ಗಿಂಗಾವುಸ್. ಮನ ಆ ಎಕ್ಕಸ್ ಛಿಯ್ಯೊ ಛಾ಼ತೆ. 39 ಅನ ಭೂತ್ ಧರಾಸ್, ಧರ್ತಾಸ್ನ ಆ ಬಳೆಳಾಲಗಸ್, ಮ್ಹೋಡವಾಟೆ ಜ಼ಲ್ಭು ನಿಕ್ಳಾ ಏತ್ರೆ ಅನ ಧಡಾಶ ಮರಾವಸ್, ಅಜು಼ ಘಣು ಖ್ಹತೈನ್, ಝ಼ಗ್ದಾಶೆ ಯೋ ಭೂತ್ ಅನ ಮ್ಹೇಲಾಕೊಯ್ನಿ! 40 ಯೋ ಭೂತ್ನ ಕಾಡೊ ಕರಿ, ತಾರ ಶಿಷ್ಯರ್ನ ಗಿಂಗೈಲಿದೊ. ಕತೋಬಿ ಇವ್ಣ ಹಾತೆ ಕೋ ಹುಯೋನಿ" ಕರಿ ಚಿಕ್ರಿನ್ ಯೇಸುನ ಬೋಲ್ಯೊ.
41 ತದೆ ಯೇಸುನೆ, "ಏ ವಿಶ್ವಾಸ್ಕೊಂತೆ ಖರಾಬ್ ಪಿಳ್ಗಿಯೆ, ಮೇ ಬಿಜು಼ ಕೆತ್ರ ದನ್ ತುಮಾರ ಜೋ಼ಡೆ ರ್ಹೀನ್, ತುಮೂನ ಖ್ಹಮಾಳ್ಣು?" ಕರೊ ಜ಼ವಾಬ್ದಿದೊ. ಅಜು಼ ಯೋ ಅದ್ಮಿನ, "ತಾರ ಛಿಯ್ಯಾನ ಹಜ಼್ಜಾ ಬುಲೈಲಿ ಆವ್" ಕರಿ ಬೋಲ್ಯೊ.
42 ಯೋ ಛೋ಼ಕ್ರು ಆವ್ಕರಾನಿ ವಖ್ಹತ್ಮ, ಯೋ ಭೂತ್ ಇನ ಜ಼ಮೀನ್ಪರ್ ರಡ್ಕೈನ್, ಘಣು ಧಡಾಶ ಮರಾಯು. ಕತೋಬಿ ಯೇಸುನೆ ಯೋ ಭೂತ್ನ ಗುರ್ಕೈನ್, ಯೋ ಛೋ಼ಕ್ರಾನ ಅಛ್ಛು಼ ಕರೀನ್, ಇನ ಬಾನ ಹಾತ್ಮ ದಿದೊ. 43 ಅನ ದೇಖಿನ್ ಅದ್ಮಿಖ್ಹಾರು ದೇವ್ನಿ ಮಹಾನ್ ಶಕತ್ನಖ್ಹಾಜೆ ಆಶ್ಚರ್ಯಖಾದು.
ಯೇಸುನೆ ಇನಿ ಮರಣ್ಣಿ ಬಾರೇಮ ಬಿಜೇಕ್ ಹಲ್ಲ ಬೋಲ್ಯೊತೆ
ಅದ್ಮಿಖ್ಹಾರು ಯೇಸುನೆ ಕರ್ಯೊತೆ ಖ್ಹಾರಿಸ್ ಕಾಮ್ನಿ ಬಾರೇಮ ಬಿಜೂ಼ಬಿ ಆಶ್ಚರ್ಯ ಕರುಕರಾತೆ ತದ್ದೇಸ್, ಯೇಸುನೆ ಇನ ಶಿಷ್ಯರ್ನ,
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)