38 ಇವ್ಣೆ ಅದಿಕಾರಿನ ಘರೆ ಆಯತದೆ, ಹಿಜ್ಜಾ಼ ಅದ್ಮಿಖ್ಹಾರು ಚಿಕ್ರಾಣ್ ಮ್ಹೇಲುಕರಾತೆ ಬಿಜು಼ ಥೋಡು ಅದ್ಮಿ ರೊವಣ್ಝೋ಼ವಣ್ ಕರುಕರಾತೆ ಯೇಸುನೆ ದೇಖ್ಯೊ. 39 ಯೇಸು ಮಹಿ ಜೈ಼ನ್, "ಶನ ತುಮೆ ಚಿಕ್ರಾಣ್ ಮ್ಹೇಲುಕರಾಸ್ತೆ, ರೋವ್ಕರಾಸ್ತೆ? ಛೋ಼ಕ್ರಿ ಮರಿಕೊಯ್ನಿ, ಖ್ಹುತೀಸ್!" ಕರಿ ಬೋಲ್ಯೊ.
40 ಇವ್ಣೆ ಯೇಸುನ ದೇಖಿನ್ ನಕ್ಲೆ ಕರ್ಯು, ಇನಾಖ್ಹಾಜೆ ಯೇಸುನೆ ಖ್ಹಾರಾನ ಭಾರ್ ಮೋಕ್ಲೀನ್, ಯೋ ಛೋ಼ಕ್ರಿನ ಆಯ-ಬಾನ ಬಿಜು಼ ಇನ ತೀನ್ ಜ಼ಣ ಶಿಷ್ಯರ್ನ ಬುಲೈಲಿನ್ ಛೋ಼ಕ್ರಿ ಥೀತೆ ಹಿಜ್ಜಾ಼ಗಯೊ. 41 ಯೇಸುನೆ ಯೋ ಛೋ಼ಕ್ರಿನೊ ಹಾತ್ ಧರೀನ್, "ತಲಿಥಾಕೂಮ್" ಕರಿ ಬೋಲ್ಯೊ. ಇಮ್ ಕತೊ "ಅಡ್ಡಾಣಿ ಛೋ಼ಕ್ರಿ, ಮೇ ತುನ ಬೋಲುಕರುಸ್ ಉಪ್ಪರ್ ಉಟ್" ಕರಿ.
42 ತದ್ನು ತದೇಸ್ ಯೋ ಛೋ಼ಕ್ರಿ ಉಠೀನ್ ಹೈಕಡ್ ಹೀಕಡ್ ಚಾ಼ಲಾಲಗಿ. ಯೋ ಭಾರ ವರಖ್ಹ್ನಿ ಹುಯಿರ್ಹೀಥಿ. ಅಮ್ ಹುವಾನು ದೇಖಿನ್ ಇವ್ಣೆ ಘಣು ಆಶ್ಚರ್ಯಖಾದು.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)