ಏಕ್ ತಯೇಡಾನಿ ವಿಶ್ವಾಸ್
24 ಹಿಜ್ಜಾ಼ಥೊ ಯೇಸು ನಿಕ್ಳಿನ್ ತೂರ್ ಕರಿ ಬೋಲಾನು ಖ್ಹಯೇರ್ನ ಖನ್ನೇನು ತಬರ್ಖಾನ ಗಯೊ. ಹಿಜ್ಜಾ಼ ಏಕ್ ಘರ್ಮ ಥೊ, ಯೋ ಹಿಜ್ಜಾ಼ ಛಾ಼ ಕರಿ ಕಿನಾಬಿ ನಾ ಮಾಲುಮ್ಪಡ್ಣು ಕರಿ ಥೊ, ಕತೋಬಿ ಯೋ ಮಾಲುಮ್ ಪಡಾಕೊಂತೆ ರ್ಹವಾನ ಕೋ ಹುಯುನಿ. 25 ಒಗ್ಗಿಸ್ಮ ಏಕ್ ತಯೇಡನೆ ಯೇಸು ಹಾ ಛಾ಼ ಕರಿ ಖ್ಹಮ್ಜಿನ್, ಐನ್ ಯೇಸುನ ಗೋಡಾನ ಖ್ಹಾಮ್ಣೆ ಪಡಿ. ಇನಿ ಛೋ಼ರಿನ ಭೂತ್ ಧರಿರಾಖ್ಯುಥು. 26 ಯೋ ತಯೇಡ ಪರೈ ಜಾ಼ತ್ವಾಳಿ7:26 ಅಲಕ್ ಜಾ಼ತ್ವಾಳಿ ಕತೊ ಯೆಹೂದ್ಯರ್ನಿ ಜಾ಼ತ್ವಾಳಿ ಕಾಹೆ ಕರಿ. ಆ ತಯೇಡ ಗ್ರೀಕ್ವಾಳಿ ಹುಯಿರ್ಹೀಥಿ ಹುಯಿರ್ಹೀಥಿ. ಯೋ ಸಿರಿಯ ತಬರ್ಖಾನು ಸುರೋಪೊಯಿನಿಕ್ಯಮ ಪೈದಹುಯಿತೆ ಏಕ್ ಗ್ರೀಕ್ವಾಳಿ ಹುಯಿರ್ಹೀಥಿ. ಯೋ ತಯೇಡ ಇನಿ ಛೋ಼ರಿನ ಧರಿರಾಖ್ಯುಥೂತೆ ಭೂತ್ ಕಾಡ್ಣು, ಕರಿ ಯೇಸುನ ಗಿಂಗಾವಲಗಿ. 27 ತದೆ ಯೇಸುನೆ ಇನ, "ಪಹಿಲೆ ಲಡ್ಕಾ ಪೇಟ್ಭರೀನ್ ಖವಾದೆ. ಲಡ್ಕಾ ಖಾವಾನು ರೋಟಾವ್ನ ಪಾಡೀನ್, ಕುತ್ರ್ಯಾನ ಚೆಲ್ಕಾನ ನಾಖಾನು ಬರೋಬರ್ಕೊಯ್ನಿ" ಕರಿ ಬೋಲ್ಯೊ.
28 ತದೆ ಯೋ ತಯೇಡಾನೆ, "ಹೋಲಾ ಪ್ರಭು, ತೋಬಿ ಲಡ್ಕಾ ಖಾಣು ಖವಾನಿ ಮೇಜ್ಪರ್ಥು ನಾಖಿದೇಯಿತೆ ರೋಟಾನ ಟುಕ್ಡಾನ ಹೇಟ್ ರ್ಹೇಯ್ತೆ ಕುತ್ರ್ಯಾನ ಚೆಲ್ಕ ಖಾಸ್ನಿ" ಕರಿ ಬೋಲಖ್ಹತರ್,
29 ಯೇಸುನೆ ಇನ, "ತುನೆ ಆ ವಾತ್ ಬೋಲಿತೆ ಇನಖ್ಹಾಜೆ, ತಾರಿ ಛೋ಼ರಿನ ಧರಿರಾಖ್ಯುಥೂತೆ ಭೂತ್ ಮ್ಹೆಂದಿದು! ಘರೆ ಜಾ಼" ಕರಿ ಬೋಲ್ಯೊ. 30 ಯೋ ಇನ ಘರೆ ಜೈ಼ನ್ ದೇಖಾತೊ ಇನಿ ಛೋ಼ರಿ ಬಿಛಾ಼ವ್ಣಿಪರ್ ಅರಾಮ್ಥಿ ಖ್ಹುತೀಥಿ; ಇನ ಧರಿರಾಖ್ಯುಥೂತೆ ಭೂತ್ ನಿಕ್ಳಿ ಗಯುಥು.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)