ಮತ್ತಾಯ 12

ಯೇಸುನಿ ಆಯ ಅಜು಼ ಇನ ಭಯ್ಯೆ

46 ಯೇಸು ಅದ್ಮಿನಿ ಝೂ಼ಂಡ್‌ನ ಜೋ಼ಡೆ ಬಿಜೂ಼ಬಿ ವಾತೆ ಬೋಲುಕರಾನಿ ವಖ್ಹತ್‌ಮ, ಇನಿ ಆಯಾಬಿ ಇನ ಭೈಯೇ ಅಯಿನ್, ಇನಜೋ಼ಡೆ ವಾತೆ ಬೋಲ್‌ನು ಕರಿ ಭಾರ್‌ಭೀರ‍್ಯು. 47 ತದೆ ಏಕ್‌ ಜ಼ಣಾನೆ ಯೇಸುನ, "ಹಂದೇಕ್‌, ತಾರಿ ಆಯಾಬಿ, ತಾರ ಭೈಯೇ, ತುನ ವಾತೆ ಬೋಲ್‌ನು ಕರಿ ಭಾರ್‌ ಭಿಯ್ಯುಸ್" ಕರಿ ಬೋಲ್ಯು.

48 ಯೇಸುನೆ, "ಮಾರಿ ಆಯ ಕೋಣ್? ಮಾರ ಭೈಯೇ ಕೋಣ್? ಕರಿ ಬೋಲಿನ್, 49 ಶಿಷ್ಯರ್‌ ಭಣಿ ಹಾತ್‌ ವತಾಳಿನ್ "ಹಂದೇಖೊ! ಅವ್ಣೆಸ್‌ ಮಾರಿ ಆಯ ಅಜು಼ ಮಾರ ಭೈಯೇ". 50 ಪರ್‌ಲೋಕ್‌ಮ ಛಾ಼ತೆ ಮಾರ ಬಾನಿ ಮರ್ಜಿನಿ ಘೋಣಿ ಕೋಣ್ ಚಾ಼ಲಾಸ್ಕಿ, ಯೋಸ್‌ ಮಾರೊ ಭೈ, ಮಾರಿ ಭೇನ್ ಅಜು಼ ಮಾರಿ ಆಯ ಹುಯಿರುಸ್‌" ಕರಿ ಬೋಲ್ಯೊ.