ಮಂದಿರ್ನ ಶುಂಕ ಭಾಂದಾನಿ ಬಾರೇಮ
24 ಯೇಸು ಅಜು಼ ಇನ ಶಿಷ್ಯರ್ ಕಪೆರ್ನೌಮ್ ಆವಾದಿನ್, ಮಂದಿರ್ನಖ್ಹಾಜೆ ಶುಂಕ ಮಾಂಗವಾಳು ಪೇತ್ರಕನ ಆಯಿನ್, "ತುಮಾರೊ ಗುರು ಮಂದಿರ್ನ ದೇವ್ಣುತೆ ಶುಂಕಾನ ಭಾಂದಾ ಕೊಯ್ನಿಕಿ ಶು?" ಕರಿ ಪುಛಾ಼ಯು.
25 ತದೆ ಪೇತ್ರನೆ, "ಒಹೊ, ಭಾಂದ್ಶೆ" ಕರಿ ಬೋಲ್ಯೊ.
ಪೇತ್ರ ಘರ್ಮ ಆವಾದಿನ್, ಯೇಸುನೆ ಇನೇಥಿ ಪಹಿಲೇಸ್, "ಸೀಮೋನ, ತುನ ಕಿಮ್ ದೆಖಾವಸ್? ಆ ಧರ್ತಿಪರ್ಲ್ಯ ರಾಜ಼ಖ್ಹಾರು ಕಿನಾಕಂಥು ಶುಂಕ ಮಾಂಗಾಸ್? ಶೊಂತ್ ದೇಖ್ಹ್ನ ಅದ್ಮಿಥೀಕಿ ನತರ್ಕಿ ಪರೈದೇಖ್ಹ್ವಾಳ ಅದ್ಮಿಕಂಥು ಮಾಂಗಾಸ್?" ಕರಿ ಬೋಲ್ಯೊ.
26 ಪೇತ್ರನೆ, "ಪರೈ ದೇಖ್ಹ್ವಾಳಕಂಥು" ಕರಿ ಜವಾಬ್ ದಿದೊ.
ತದೆ ಯೇಸುನೆ ಪೇತ್ರನ, "ಇಮ್ಕತೊ, ಶೊಂತ್ ದೇಖ್ಹ್ವಾಳು ಶುಂಕ ಭಾಂದಾನು ಕೊಯ್ನಿ ಕರಿ ಬೋಲ್ಯೊ. 27 ತೋಬಿ ಶುಂಕ ಮಾಂಗವಾಳು ಅಪ್ಣಿ ಬಾರೇಮ ಖಟು ಕರಾನು ನಕೊ. ಇನಖ್ಹಾಜೆ ತೂ ದರ್ಯಾವ್ನ ಜೈ಼ನ್, ಗಳ್ ನಾಖಿನ್, ಪಹಿಲೆ ಮಳಾಸ್ತೆ ಮಾಛ಼್ಲಾನ ಮ್ಹೋಡಾನ ಕಾಡಿ ದೇಕ್, ಇನಾಮ ಶುಂಕ ಭಾಂದಾನ ಹೋಣುತೆ ಏಕ್ ಪೈಶಾನು ಬಿಲ್ಲು ಮಳ್ಶೆ. ಇನ ಲಯಿನ್, ಅಪ್ಣ ಭೇ ಜ಼ಣಾನು ಕರಿ ಬೋಲಿನ್ ದೇ" ಕರಿ ಬೋಲ್ಯೊ.
/images/a/6c03efee-c76a-4ab8-fe2e-555683f90900)
/images/a/9ec55bb8-7dc5-47b9-c32a-98aea1c00300)