23 ಯೋ ವಖ್ಹತ್ಮ ಕೋಣ್ತೋಬಿ ತುಮೂನ, ‘ದೇಖೊ, ಕ್ರಿಸ್ತ ಹಜ್ಜಾ಼ ಛಾ಼! ನಾತೊ, ಯೋ ಹಿಜ್ಜಾ಼ ಛಾ಼! ಕರಿ ಬೋಲ್ಯುತೊ, ಇನ ನಕೊ ನಂಬ್ಶು. 24 ಶನಕತೊ ಝೂ಼ಟುಕ್ರೈಸ್ತರ್ ಖ್ಹಾರು ಅಜು಼ ಝೂ಼ಟು ಪ್ರವಾದಿಖ್ಹಾರು ದೆಖೈನ್, ಇವ್ಣೇಥಿ ಹುಯೂತೊ ದೇವ್ಥಿ ಚೂ಼ಣೈರ್ಹವಾಳನಾಬಿ ಠಗಾವಾನಖ್ಹಾಜೆ, ಅದ್ಭುತ್ಕಾಮ್ ಅಜು಼ ಅಶ್ಚರ್ಯನು ಕಾಮ್ಖ್ಹಾರು ಕರಿ ವತಾಳ್ಶೆ. 25 ಖ್ಹಮ್ಜೊ! ಮೇ ತುಮೂನ ಆ ಖ್ಹಾರು ಚಾ಼ಲಾನ ಅಗಾಡಿಸ್ ಇನಿ ಬಾರೇಮ ಬೋಲಿರಾಖ್ಯೊಸ್.
26 ಇನಾಖ್ಹಾಜೆ ಕೋಣ್ತೋಬಿ ತುಮೂನ, "ಹಂದೇಖೊ, ಕ್ರಿಸ್ತ ಉಜ್ಜಾ಼ಡಿ ಝ಼ಗೋಮ ಛಾ಼’ ಕರಿ ಬೋಲ್ಯೂತೊ, ನಕೊ ಚಲ್ಯಾಜಾ಼ಶು, ‘ಹಂದೇಖೊ, ಯೋ ಮಹಿನಕೋಣಾಮ ಛಾ಼’ ಕರಿ ಬೋಲ್ಯೂತೊ, ನಕೊ ನಂಬ್ಶು.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)