ನಿಯ್ಯತ್ ಅಜು಼ ನಿಯ್ಯತ್ ಕೊಂತೆ ಆಳ್ನಿ ಬಾರೇಮ
45 ಇಮ್ಕತೊ, ಯಜಮಾನ್ ಇನ ಘರ್ಮ ಕಾಮ್ ಕರಾವಾಳ ಆಳ್ನ ಖ್ಹಾರು ಬರೋಬರ್ನಿ ವಖ್ಹತ್ಮ ಖಾಣು ದ್ಯವಾನಖ್ಹಾಜೆ ಇವ್ಣಾಪರ್ ನೇಮ್ಶಾಯೋತೆ ನಿಯತ್ವಾಳೊಬಿ ಅಕ್ಲಿಆಳ್ ಕೋಣ್? 46 ಯಜಮಾನ್ ಆವಾನಿ ವಖ್ಹ್ತೆ, ಕೆಹೊ ಆಳ್ ಆ ಖ್ಹಾರು ಕರುಕರಾತೆ ದೇಕ್ಶೇಕಿ, ಯೋ ಆಳ್ ಧನ್ಯ ಹುಯಿರ್ಹೋಸ್! 47 ಇಮ್ನ ಆಳ್ನ ಯೋ ಇನು ಖ್ಹಾರೂಸ್ ಧನ್-ದೌಲತ್ಪರ್ ಅದಿಕಾರಿಹುಯಿನ್ ನೇಮ್ಶಾವ್ಶೆ ಕರಿ ಮೇ ತುಮೂನ ಖ್ಹಾಚಮಾಬಿ ಬೋಲುಸ್. 48 ಕತೋಬಿ ಯೋ ಆಳ್ ಖರಾಬ್ ರ್ಹಯೋತೊ, ಇನೊ ಯಜಮಾನ್ ಒಗ್ಗಿಸ್ಮ ಕೋ ಆವ್ಶೇನಿ ಕರಿ ಇನ ಮನ್ಮ ಸೋಚಿಲೀನ್, 49 ಇನ ಜೋ಼ಡ್ಮ ಕಾಮ್ಕರವಾಳ ಬಿಜಾ಼ಖ್ಹಾರ ಆಳ್ನ ಮಾರಲಗ್ಶೆ ಅಜು಼ ಪೀ ಕುಡ್ಕಾವ್ನ ಜೋ಼ಡೆ ಖಾತೊ-ಪೀತೊ ರ್ಹಿಶೆ. 50 ತದೆ ಏಕ್ ದನ್ನೆ ಯೋ ಆಳ್ ಸೋಚಾಸ್ಕೊಂತೆ ದನ್ಮ ಅಜು಼ ಇನ ಮಾಲುಮಸ್ ಪಡಾಕೊಂತೆ ವಖ್ಹತ್ಮ ಯೋ ಇನೊ ಯಜಮಾನ್ ಐನ್, 51 ಇನ ಕತ್ರೀನ್, ಟುಕ್ಡಾ-ಟುಕ್ಡಾ ಕರೀನ್, ಖೋಟ್ ದಿಲ್ವಾಳಾನ ನಾಖಾಸ್ತೆ ಝ಼ಗೋಪರ್ ಇನ ನಾಕ್ಶೆ. ಹಿಜ್ಜಾ಼ ಯೋ ರೋವ್ತೊ ಹುಯಿನ್, ಕರ್-ಕರ್ ದಾತ್ ಚಾ಼ವ್ಶೆ.
/images/a/b347f3da-bc75-400b-e6b5-a5eca2abe600)
/images/a/6c03efee-c76a-4ab8-fe2e-555683f90900)