ಮತ್ತಾಯ 27

ಯೂದಾನು ಮರಣ್

3 ಯೇಸುನ ಧೋಕೇಥಿ ಧರಿದಿದೋತೆ ಯೂದಾನೆ, ಯೇಸುನ ಮರಣ್ ದಂಡ್‌ನು ತೀರ್ಪ್ ಹುಯು ಕರಿ ದೇಖಿನ್, ಪಶ್‌ತೈನ್, ಯೋ ಡೋಡಿಖ್ಹ್‌ ರೂಪಾನು ಬಿಲ್ಲಾನ ಗಲ್‌ಢಯಾಜಕರ್‌ ಅಜು಼ ಶಾಣವ್‍ಕನ ಲೀಜೈ಼ನ್, 4 "ಶಾತ್ಬಿ ಗಲ್ತಿಕೊಂತೆ ಅದ್ಮಿನ ಧೋಕೇಥಿ ಮರೈನಾಖಿದ್ಯವಾನ ಧರಿ ದೀನ್, ಮೇ ಪಾಪ್ ಕರ‍್ಯೊ" ಕರಿ ಬೋಲ್ಯೊ.

ತದೆ ಇವ್ಣೆ, "ಇನ ಹಮೆ ಶಾತ್ ಕರಿಯೆ? ಯೋ ತಾರು ಮಾಮ್ಲ!" ಕರಿ ಜ಼ವಾಬ್ ದಿದು.

5 ತದೆ ಯೂದಾನೆ ಯೋ ಪೈಶಾನ ಮಂದಿರ್‌ಮ ಫೇಕಿದಿನ್, ಹಿಜ್ಜಾ಼ಥೊ ಜೈ಼ನ್, ಟೀಪೊ ಲೀನ್, ಮರಿಗಯೊ.