14 ಕತೋಬಿ ಪ್ರಭುಮ ವಿಶ್ವಾಸ್ ನಾರ್ಹಯುತೊ ಇನ ನಾಮ್ನ ಬೋಲಿಲ್ಯವಾನುಬಿ ಕಿಮ್? ಇವ್ಣೆ ಸಂದೇಶ್ ಖ್ಹಮ್ಜ್ಯುನಾತೊ ಇನಾಪರ್ ವಿಶ್ವಾಸ್ ಕರಾನುಬಿ ಕಿಮ್? ಬೋಲವಾಳೊ ನಾರ್ಹಯೊತೊ ಇವ್ಣೆ ಖ್ಹಮ್ಜಾ಼ನು ಕಿಮ್? ಸುವಾರ್ತೆನ ಫೈಲಾವಾಳೊ ನಾಮೋಕ್ಲಾಯೊತೊ ಬೋಲಾನುಬಿ ಕಿಮ್? 15 ಬೋಧನೆ ಕರವಾಳನ ಮೋಕ್ಲ್ಯೊನಾತೊ ಬೋಲ್ಶೆ ಕಿಮ್? ಇನಖ್ಹಾಜೇಸ್, "ಅಛ್ಛಿ ಸುವಾರ್ತೆ ಬೋಲವಾಳನು ಪಗ್ ಕೆತ್ರೇಕ್ಕಿ ಶನ್ಗಾರ್" ಕರಿ ಪವಿತ್ರದಪ್ತರ್ಮ ಲೀಖೈರ್ಹುಸ್. 16 ಕತೋಬಿ ಖ್ಹಾರುಸ್ ಸುವಾರ್ತೆನ ಸ್ವೀಕಾರ್ ಕರ್ಯುಕೊಯ್ನಿ. ಆ ಬಾರೇಮ ಯೆಶಾಯ ಪ್ರವಾದಿ "ಪ್ರಭು, ಹಮೆ ಬೋಲ್ಯಾತೆ ಸುವಾರ್ತೆನ ಕೋಣ್ ವಿಶ್ವಾಸ್ ಕರ್ಯು"? ಕರಿ ಬೋಲಸ್. 17 ಇನಖ್ಹಾಜೆ, ಬೋಲಾತೆ ಸುವಾರ್ತೆನ ಖ್ಹಮ್ಜಾ಼ಥಿ ವಿಶ್ವಾಸ್ ಆವಸ್, ಯೋ ಖಿವುಕತೊ ಕ್ರಿಸ್ತನಿ ಬಾರೇನಿ ವಚನ್ ಹುಯಿರ್ಹಿಸ್.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)