15 ಶನಕತೊ ದೇವ್ನೆ ದೀರಾಖ್ಯೋತೆ ಆತ್ಮ ತುಮೂನ ಗುಲಾಮ್ ಕೊ ಕರ್ಶೇನಿ ಅಜು಼ ತುಮಾರ ಡರ್ಥಿ ಕೊಹುಯಿರಿಶೇನಿ ಅನಬದಲ್ ಪವಿತ್ರಾತ್ಮ ದೇವ್ನ ಲಡ್ಕಕರೀನ್ ಬಣಾವಸ್ ಅಜು಼ ಯೊ ಆತ್ಮಾನಿ ಶಕಥ್ಥಿ ಭರಾವವಾಳೊ ಹುಯಿನ್ ಅಪ್ಣೆ ದೇವ್ನ "ಬಾ, ಪಿತಾ!" ಕರಿ ಚಿಕ್ರಿಯೆಸ್. 16 ಅಪ್ಣೆ ದೇವ್ನ ಛಿಯ್ಯಾ ಹುಯಿರ್ಹಾಸ್, ಕರಿ ಬೋಲಾನ ಪವಿತ್ರಾತ್ಮಸ್ ಅಪ್ಣ ಆತ್ಮನಿಜೋ಼ಡ್ಮ ಸಾಕ್ಷಿ ದೇಸ್. 17 ಹಮ್ಕೆ ಅಪ್ಣೆ ಲಡ್ಕಾ ಹುಯಿರ್ಹಾತೊ, ಹಕ್ದಾರ್ ಹುಯಿರ್ಹಯೇಸ್; ದೇವ್ನ ಹಕ್ದಾರ್ ಅಜು಼ ಕ್ರಿಸ್ತನಿ ಜೋ಼ಡ್ಮ ಹಕ್ದಾರ್ ಹುಯಿರ್ಹಾಸ್. ಅಪ್ಣೆ ಕ್ರಿಸ್ತನು ಖ್ಹತಾಪ್ಣಿಮ ಖ್ಹಾಚಮಾಸ್ ಭಾಗ್ಲ್ಯಾವವಾಳ ರ್ಹಯಾತೊ, ಇನಿ ಮಹಿಮೆಮಾಬಿ ಭಾಗ್ಲ್ಯವಾಳ ಹುಯಿರ್ಹಿಶು.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)