Apocalipse 19

Foro Fazaasta Di Bar

11 Esseen orfo sama gachchen biin; estan foro faza dey biin; fazaasta di bar amanamtonawa futona yisteretu teegtefe; bar likkik mangsu kar’ar dey neeber. 12 Aafbaas geeni winone faar; teetbaastak dey showo zawudi faaser. Barneen ooma oonu arunoyna suna basaasta tichchera faar. 13 Bar hannak haphukto maama mayo; Sunbaas dey Ha’oni kaamawa. 14 Foro foro fazaasikitota diise foro kayma keeshu maama mayo samaki meya taar’osikito dey orfoose hamet faaser. 15 Daraasakitonin ichana kaaga siifo basa noonoossin kesi; bittani haarok dey ha’suna; bar zuuttambaase asin chimfa Ha’oosi deessu gi’anon besifa wayinini ushaasi ti’uni dimaason yer’ana. 16 Maambaastanawa chikabaastana: «Taatoni meeni taato; daamni meeni Daama» yifa suna tichcho.