10 Aaro awesáma, yora eséyãwa niámẽkĩ, Yové Koĩni Moisés eneshoti esé vana ivo wetsachta kanero neská, keyokíse tavámakãorívi. 11 ‘Aĩyashõ wetsã aĩ meetima. Veneyashõ vene wetsa oĩtima’, ikí Yové Koĩ vanati, chinãtso. Aská ‘yora ati akĩ yamamatima’, ikí vanaóyarvi. Askásho aĩyashõ wetsã aĩ meei, iokiro veneyashõ vene wetsa oĩi akíma mã shokoasmẽkĩ, yora ati akĩ mã yamamáro, esé tavámaorívi. 12 Neská chinãtsoma, keyókaĩa shavapa, Yové Koĩniro ãwẽ vana veí pashamaya ivokiri oĩsho, ‘nĩkãsho mĩ nikaikaina. Miaro ari nĩkãyamai mĩ nikaikaina’, ikĩ ato chinãshokatsai. Askásho aaivokiri chinãsho roai yoranĩ vanai, roa akĩ ato oĩi atsoma.