13 Khri tuh phia athua vae tou? Paul tuh nae hanlan vaelantung kya khiade athua tou? Tuhkhyhze Paul min te baptisma na in oh tou? 14 Nanning laku kya Krispas te Kaias laelan hum sanmah baptisma kae la pya khyh oh keiccuze Pachia kha ka luung.✝1.14: Loc 18.8, 19.29; Rom 16.23 15 Tukeiccuze nanning tuh Paul min te baptisma na in oh cite hum nynh sanmah ho kho vae khyh. 16 (Stefanas innbyn hae kha mah baptisma ka pya hae; tuhlaepaw hum sanmah baptisma ka pyapaw ka nyh khyh.)✝1.16: 1Ko 16.15 17 Pawccecize Khri nynh kae hynh baptisma pya khylan yn saw khyh, thehoypaw ho khylan nynh yn saw. Tuhzemah Khri a vaelantung tuh a thungnaw azo khyh nawlan, hawnaw bya te yn hosah khyh.