1 Tessalonicenses 5

1 Thuasalama uteno hae, accyh te kumvaelori kong tuh nae kalan zei ho vae khyh. 2 Pawccecize Bawipaw Nin tuh khuazi e miruh hawte nynh yn thua cih cipaw kha naemaw nynh ccaerarih lan na ny oh.✝5.2: Mat 24.43; Luk 12.39; 2Pe 3.10 3 "Daenaw te khynnaw a um," a ci lya hae khe, ccaaw a poipaw nopinung tungvaw neitangia nynh a thuanua hawte, minmin tungvaw ronaw nynh vaekheihmawte oun thuanua cih hae zah minmin tuh lue lan khyh hae. 4 Thuasalama uteno hae, nanning tuh mohnaw kya na um khyh oh keiccuze tuh-e Nin nynh miruh hawte yn thuapaw kha na siikuh lan khyh oh. 5 Nanning balyn tuh awnaw ccaaw hae te khuadae ccaaw hae nynh na thua oh; aening tuh khuazi ccaaw hae te mohnaw ccaaw hae ah thua khyh oh.