BYAPHY 14

Tuutaw te A Ccungccaw hae 144,000

1 Kae do zah, Tuutaw tuh Zion Mua vawlan a thadyn, mih terui kya amaw min te a Paaw min azeikuhpaw 144,000 tuh amaw ryte a umkheih hae.✝14.1: Eze 9.4; Bya 7.3 2 Tuiphue atoikuhpaw patae roi hawte thuasah, myarya accaepaw kholungthyhpaw roi hawte thuasah vaawlang e roi kha ka thae; tintang a khua hae paw nynh mih tintang a khua hae paw roi hawte accaepaw roi kha mah ka thae. 3 Bawitungkhung malang thuasah, ahiinpaw sarangpaw sa pali te piccan hae malang thuasah hlaw thawpaw kha minmin nynh a sah hae. Tuh-e hlaw tuh laephi kyate shawkhaw athua hae paw 144,000 laelan hum nynh sanmah ccangkuh kho khyh hae. 4 Minmin tuh ccangvady thua hae zah, nopi hae ryte a nungsikuh lei hae paw nynh thua; minmin tuh Tuutaw a ccianaw miakaw lang a zui hae paw nynh thua; ccungccaw hae laku kyate shawkhaw thua hae zah, Pachia te Tuutaw hanlan masaty athae nynh thua hae. 5 Mih munglae kya hynbya um khyh, pawccecize minmin tuh ccaenaw hoi khyh hae.✝14.5: Zef 3.13