BYAPHY 22

Hiinnaw Tui

1 Tuinte vaawpaw nynh Pachia bawitungkhung te Tuutaw bawitungkhung kyate yn luapaw, lung-awmatei hawte awrarihpaw hiinnaw tui vawpi kha yn muihsah.✝22.1: Eze 47.1; Zek 14.8 2 Tuh-e vawpi tuh khualae e laanpi angaelung khe lua zah, tuh-e vawpi sirawkhuraw te thingthae phuin haw lae ning a thaepaw hiinnaw thingku a um; tuh-e thingku tuh sawpaw sah takyhte athae thae zah, tuh-e thingku anaw tuh minphuin hae dansahnaw hanlan nynh thua.✝22.2: Gen 2.9; Eze 47.12 3 Thyalawnaw kharouh um vae lan khyh, Pachia kya-e te Tuutaw kya-e bawitungkhung tuh tuh-e khuapi kya a um cih zah, Pachia rya a lawpatu hae nynh amaw kha a beik cih hae.✝22.3: Zek 14.11 4 Minmin nynh amaw mae kha a muih cih hae zah amaw min tuh mih terui kya zei athua cih. 5 Tuin kya khuazi um vae lan khyh; minmin tuh maeekhua kya-e awnaw te khuanin kya-e awnaw kha ho vae lan khyh, pawccecize Bawipaw Pachia nynh minmin kha awnaw a pya hae, minmin nynh zungzae te zungzae cia a uk vae cih hae.✝22.5: Isa 60.19; Dan 7.18