22 Zu hae, Bawipaw rynaw na zui oh hawte, nae vawpaw hae rynaw kha zui oh.5.22: Kol 3.18; 1Pe 3.1 23 Pawccecize Khri tuh khriccaawbuu lu athua hawte, vawpaw tuh zu lu nynh thua; Khri tuh amaw pyn athuapaw khriccaawbuu Khumtu nynh athua. 24 Tukeiccuze khriccaawbuu nynh Khri rynaw a zui hawte zu hae nynh mah pawpaw balyn kya mih vawpaw hae rynaw kha zui hae sah.
25 Vawpaw hae, Khri nynh khriccaawbuu kha sungsah zah khriccaawbuu hanlan a pyaku hawte, nae zu hae kha sungsah oh.5.25: Kol 3.19; 1Pe 3.7 26 Khri nynh tuhte a cyipaw tuh, khriccaawbuu kha Pachia bya athuapaw tui te singpyanaw liate a thyaa ccaw cite ccikan khylan, 27 te akalouhkuhpaw khyhze akhinkuhpaw, tuhkhyhze khahcihawpaw ccangkhakheit sanmah um leite, khriccaawbuu kha amaw kalan phu-enaw te thuakhae khylan, te khriccaawbuu tuh athyaa nawlan te ccaenaw um khyh nawlan nynh thua. 28 Tukeiccuze vawpaw hae nynh mimaw mih pyn a sungsah hae hawte mih zu hae kha a sungsah hae aho. A zu a sungsahpaw tuh amaw a sungsakuhpaw nynh thua. 29 Pawccecize amaw a pyn a huapaw hum sanmah um khyh, Khri nynh khriccaawbuu kha do-oih zah a kua hawte, amaw pyn kha do-oih zah a kua, 30 pawccecize aening tuh amaw a pyn kya-e hae nynh ah thua oh. 31 "Hynh-e keiccuze pise nynh a nung te a paaw kha a cciataw cih zah a zu te a umkheih cih hae, minmin lu ning tuh pyn pynkheit lang a tang cih hae."5.31: Gen 2.24 32 E tuh myarya byakhupaw thua zah, Khri te khriccaawbuu kong kha nynh ka ho. 33 Tuhzemah nanning lu raveih nynh naemaw na sungsaku oh hawte nae zu hae kha sungsah oh, te zu nynh a vawpaw kha saw a tua cih.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)