Êxodo 32

11 Thuasalama Moses nynh Bawipaw a Pachia kha, "Pou Bawipaw , alepaw na huhan te thuasah, athawsaepaw na kuih te thuasah, Izip ram kyate na cciakhae hae paw na ccungccaw hae tungvaw kya pawcce na thinrianaw tuh maee lang a rua?✝32.11-14: Nam 14.13-19 12 ‘Israel hae kha mua hae kya chia khylan te laephipi kyate maemih khylan Bawipaw nynh a cciakhae hae paw tuh ahoy leipaw paccynnaw nynh thua,’ cite Izip hae nynh pawcce a ho cih hae? Na thin myarya rianaw kyate ngaesiku tua; na lungpaleihkuh lah na ccungccaw hae tungvaw ronaw kha thuasah nan. 13 ‘Na ciihan tuh vaawlui e awsi hae zeih ka pungzae sah cih, bya kae kinpyakupaw e ram balyn hynh na ciihan hae kalan ka pya cih hae zah minmin nynh rho lang zungzae a ccou cih hae,’ cite namaw ccaccei nynh thya na lawpahku hae zah na hopya hae paw na ryalahtu hae, Abraham, Isak te Israel kha liathui hae," cite ngia zah a hopya.✝32.13: Gen 22.16-17, 17.8 14 Te Bawipaw nynh a ccungccaw hae tungvaw a paccynpaw ronaw thuasah lanpaw kyate a lung a paleihku.