Gênesis 2

21 Tukeiccuze Bawipaw Pachia nynh ccungccapaw kha thuhbabi lan a isah; oute Pachia nynh a naru ccangkheit kha lah zah, tuh-e a lawnaw kyakhe ngesaw khate a pingsah. 22 Te Bawipaw Pachia nynh ccungccapaw kyate a lawpaw naru khate ccungccanung kha rae zah ccungccapaw kalan a cciakhae. 23 Oute ccungccapaw nynh,

"Hynh-e hynh ka ru kya-e ru thua zah

ka ngesaw kya-e ngesaw nynh thua;

Ccungccapaw kyate

lawpaw athua keiccuze

hynh-e hynh Ccungccanung cite

ko athua cih," a ci.

24 Tukeiccuze pisepaw nynh a nung te a paaw kha cciataw zah a zu te a umkheih hae, te minmin tuh pyn pynkheit lang a tang hae.✝2.24: Mat 19.5; Mar 10.7-8; 1Ko 6.16; Efe 5.31