1 Jordan vaw te nithua lang, Arnon Vaw kyate Hermon Mua kyacia, Arabab nithua lang umpaw ram abalyn kha Israel hae nynh tae hae zah a law hae; e ram kya-e siapharan hae tuh hynh-e hae hynh nynh athua hae:✝ 2 Heshbon khua umpaw Amor hae siapharan Sihon thua zah, aning nynh Arnon Vaw kin vahue kya Aroer khua kyate, te tuh-e vahue angaelung kyate Ammon hae ramri Jabbok vaw kyacia uk zah, Gilead ram angankuh cia a uk bia, 3 te Arabah accya kha mah Khinneroth Rili nithua lang cia, te Beth-jeshimoth khua lang ccianaw laanpi, Arabah rili cikuhpaw Rili Chih kyacia, alia lang Pisgah Mua athonaw kyacia phe a thua. 4 Ashtaroth te Edrei khua kya um hae paw Refaim hae kyaze nyathya a laehypaw lu kheit tuh Bashan siapharan Og nynh thua, 5 aning nynh Hermon Mua te Selakah ram te Geshur hae te Maakath hae ramri kyacia Bashan ram abalyn, te Heshbon siapharan Sihon a ramri kyacia Gilead ram angankuh kha a uk. 6 Bawipaw ryalahtu Moses te Israel hae nynh minmin kha a tae hae; Bawipaw ryalahtu Moses nynh mih ram hae tuh Reuben phin hae, Gad phin hae te Manasseh phin angankuh hae kha ccou lan a pya hae.✝

7 Jordan vaw niccaw lang, Lebanon accya kya umpaw Baal-gad khua kyate Seir ram lang akaethungpaw Halak Mua kyacia, Joshua te Israel hae nynh a tae hae paw, e ram kya-e siapharan hae tuh akaw lang thyhte nynh athua, (Joshua nynh mih ram tuh Israel minphuin hae kha mih hanpaw thyhte ccou lan a pya hae, 8 e ram hae tuh muaram, laelung anenaw ram, Arabah accya, apannaw ram, ramkaw te Negeb ram thua hae zah, Hit hae, Amor hae, Kanaan hae, Periz hae, Hiv hae te Jebus hae ram nynh thua):

siapharan hae tuh mih balynte sung thum lu kheit acih hae.