1 Josef ciihan hae nynh ccungthydungte a ccou hae paw ram tuh Jeriko khua pe Jordan vawkhu kin umpaw Jeriko tuili nithua lang kyate ramkaw langkhe a tee, te Jeriko kyate muaram lang Bethel khua cia a cceihthung; 2 tukoute Bethel kyate Luz lang cceih zah Arki hae ram e Ataroth khua lang po a thua; 3 te niccaw lang cceihbung zah Jaflet hae ram lang Alia Beth-horon khua cia a thua; te Gezer lang po cceih zah rili kya athang.

4 Josef ciihan hae Manasseh te Efraim nynh mih rho kha a ccou hae.

5 Efraim phin hae nynh mih puizia thyhte a ccou hae paw ram tuh akaw lang thyhte nynh thua: nithua lang te mih rho ramri tuh Ataroth-addar kyate Palung Beth-horon kyacia a thua; 6 te ramri tuh tuin kyate rili langkhe a cceihbung; thahlang ramri tuh Mikmethath khua nynh thua; nithua lang ramri tuh Taanath-shiloh khua langkhe bua kouleih zah, tuh-e khua he a khung te nithua lang Janoah lang a cceih, 7 te Janoah kyate Ataroth te Naarah kyacia cceihbung zah Jeriko khua a thua koute Jordan vaw khe athang. 8 Tappuah khua kyate ramri tuh niccaw langkhe Kanah Vaw lang po cceih zah rili kya athang. Tuhcite Efraim phin hae nynh mih puizia thyhte ram kha a ccou hae. 9 Manasseh ram lungkhu khe Efraim hae hanlan a nung hae paw khua hae balyn tuh mih khua taraw hae ryte Efraim hae nynh a ccou hae. 10 Thuasalama Gezer kya um hae paw Kanaan hae kha minmin nynh dee khyh hae; tukeiccuze Kanaan hae tuh Efraim hae kyakhe atunin cia a umbua hae, thuasalama riasepaw rya kha a lawsah hae.✝