Levítico 18

6 Nanning laku e humhung nynh mah amaw te anaekuhpaw uno lukhakheit ryte naekute nopi pise seinaw rae lan khyh: Kae tuh Bawipaw nynh ka thua. 7 Na nung te nopi pise seinaw raete na paaw kha thethyasah nan. Aning tuh na nung thua zah aning te nopi pise seinaw na rae lan khyh. 8 Na paaw zu te nopi pise seinaw na rae lan khyh; tuh-e raenaw nynh na paaw kha the a thyasah cih.✝18.8: Lev 20.11; Deu 22.30, 27.20 9 Innbyn bynkheit lungkhu a puipaw thuasah, ccanglang a puipaw thuasah, na ccianung athuapaw na paaw ccanung khyhze na nung ccanung te nopi pise seinaw na rae lan khyh.✝18.9: Lev 20.17; Deu 27.22 10 Na ccapaw a ccanung khyhze na ccanung a ccanung te nopi pise seinaw na rae lan khyh, pawccecize tuh-e nynh nang kha the ae thyasah cih. 11 Na paaw zu a ccanung, athuapaw na paaw nynh a saahpaw tuh na ccianung athua keiccuze aning te nopi pise seinaw na rae lan khyh. 12 Na paaw a ccianung te nopi pise seinaw na rae lan khyh; aning tuh na paaw te chiisaw anaekuh hae paw nynh thua.✝18.12-14: Lev 20.19-20 13 Na nung a neitawnung te nopi pise seinaw na rae lan khyh, pawccecize aning tuh na nung te chiisaw anaekuh hae paw nynh thua. 14 Na paaw a upaw zu te thuasah, a neitawpaw zu te thuasah nopi pise seinaw na rae lan khyh, aning tuh na nung lanpaw nynh thua. 15 Na monung te nopi pise seinaw na rae lan khyh: aning tuh na ccapaw zu nynh thua; aning te nopi pise seinaw na rae lan khyh.✝18.15: Lev 20.12 16 Na upaw zu te thuasah, na neitawpaw zu te thuasah nopi pise seinaw na rae lan khyh; tuh-e nynh na upaw khyhze na neitawpaw kha the a thyasah cih.✝18.16: Lev 20.21 17 Nopinung te thuasah, a ccanung te thuasah, nopinung a ccapaw ccanung te khyhze nopinung a ccanung te thuasah nopi pise seinaw na rae lan khyh; minmin tuh nang te chiisaw na naekuh oh paw nynh thua hae; tuh-e tuh hoyleinaw nynh thua.✝18.17: Lev 20.14; Deu 27.23 18 Te na zu phang a hiin lungkhu kya na zu te khungtaeku khylan a unung kha thuasah, a neitawnung kha thuasah zu lang na umkhae lan khyh.

19 Nopinung nynh nopiny nyh zah a thyaa khyh lyakhe ikhae khylan na naenuakuh lan khyh.✝18.19: Lev 20.18 20 Na unopaw zu te nopi pise seinaw na rae lan khyh, tuh-e nopinung te namaw te namaw kha na thusakuh lan khyh.✝18.20: Lev 20.10 21 Na ccaaw hae lukhakheit kha Molek pachia kalan silaw nawlan na pya lan khyh, tuhcite na Pachia min kha na thusah lan khyh: kae tuh Bawipaw nynh ka thua.✝18.21: Lev 20.1-5 22 Nopi te ihkheih hawte pise te pise na ihkheih lan khyh oh; tuh-e tuh anungsikupaw nynh thua.✝18.22: Lev 20.13 23 Sarangpaw sakhakheit te ihkheih te namaw te namaw kha thusakuh nan, nopi lukhakheit nynh mah sarangpaw te ihkheih khylan amaw te amaw kha pyakuh lan khyh: tuh-e tuh aphung thua leipaw ikheihnaw nynh thua.✝18.23: Exo 22.19; Lev 20.15-16; Deu 27.21