3 "Ngaetua oh! Ccacii vuatu lu kheit nynh ccacii vua lan a cceih. 4 Ccacii kha vua zah abang tuh laanpi pe accah, vaawlang e pavaw hae nynh oun thuanua hae zah phe a tuh hae. 5 Abang tuh laephi zya zah lungpyng alungnaw kya accah; laephi thaawkalae lan a um khyh keiccuze taloi a po hae. 6 Khuanin he yn thua tuh, tharui a saw khyh keiccuze karae arou hae. 7 Abang ccacii tuh hinpaw laku ccah zah hinpaw nynh lethin zah phang a lungde keiccuze athae thae kho khyh. 8 Te abang tuh lae hoy kya ccah zah a po, a pungthung, te athae thae zah leit sung thum, leit sung taruh, leit za kheit avoi. 9 Thae nawlan nakaring a hoipaw ccungccaw tuh thae sah!" cite a hopya hae.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)