Mateus 5

3 Thinlung zakawsangsakuh hae paw tuh lungtua hae paw nynh thua; pawccecize vaawlang peenaw tuh minmin kya-e nynh thua.

4 A rah a khui hae paw tuh lungtua hae paw nynh thua; pawccecize minmin tuh soihbia athua cih hae.✝5.4: Isa 61.2

5 Lungne hae paw tuh lungtua hae paw nynh thua; pawccecize minmin tuh laephi rho a ccou cih hae.✝5.5: Sam 37.11

6 Dingnaw kha vuelaw tuihaw hawte a ry hae paw tuh lungtua hae paw nynh thua; pawccecize mih rynaw kha ccingsah athua cih.✝5.6: Isa 55.1-2

7 Ngaethyaumsahnaw a hoi hae paw tuh lungtua hae paw nynh thua; pawccecize minmin tuh ngaethyaumsahnaw kha a mue cih hae.

8 Thinlung athyaa hae paw tuh lungtua hae paw nynh thua; pawccecize minmin tuh Pachia kha a muih cih hae.✝5.8: Sam 24.3-4

9 Daenaw raetu hae tuh lungtua hae paw nynh thua; pawccecize minmin tuh Pachia ccaaw hae cite ko athua cih hae.

10 Dingnaw keiccuze tuaasahnaw a ing hae paw tuh lungtua hae paw nynh thua; pawccecize vaawlang peenaw tuh minmin kya-e nynh thua.✝5.10: 1Pe 3.14

11 "Kae ka keiccuze nanning kha ae sarya oh, ae tuaa ae sah oh zah ahme lei lante ahoy leipaw hynbya aphuinphuin ae be oh ze, nanning tuh lungtua hae paw nynh na thua oh.✝5.11: 1Pe 4.14 12 Nae lungtua sah lah nae lungpaw sah, pawccecize vaawlang khua kya nae ryalaw mee tuh ale; pawccecize nanning maw e profeh hae kha mah minmin nynh tuhmaminte a tuaa a sah hae.✝5.12: 2Sh 36.16; Loc 7.52