1 Chiise a luapaw khuapi,

hynhunaw, luadepaw uccaw te

phe beihpaw khuapi,

luadenaw a thang kho leipaw

khuapi hanlan ngaethya lan kou um!

2 Ccungngue te buapaw roi,

leccu miakuhpaw roi,

marang ccukoh roi te

marangle roi tuh ngaetua oh!

3 Marang rhawkaw hae nynh

a naangbia hae,

thaloi hae tuh dalahdalah aw hae zah,

ccoi hae tuh phaephae ak hae,

a chih hae paw tuh

patah pumkuh hae,

michi rhua hae tuh riatae um khyh,

tuh-e michi rhua hae vawlan khe

a thy a pawkuh hae!

4 Puithya zah ccungccaw a soihthyapaw,

lunglawthyanaw khate thuasah,

naaw a thyanaw khate thuasah

minphuin hae te ccungccaw hae kha

a see lang a tangsah hae paw

ohhuanung nynh riatae lei

a ohhuaku keiccuze,

5 vaaw Bawipaw nynh a hopaw tuh,

nang kha kae rawse zah,

na boeipae kha na mae vawlan cia

kae kalyng cih;

na ccakaete na umpaw kha

minphuin hae ka dosah cih hae zah,

na maethyanaw kha

peenaw hae ka dosah cih hae.

6 Anungsikuhpaw kha

na tungvaw kae vuanua cih,

pawlangria lei lante

kae ccuepe cih zah,

theihryate a do hae paw lang kae rae cih.

7 Tetuh nang ae muih hae paw balyn tuh

nulang a sihkuh cih hae zah,

"Nineveh khua tuh aroh vae;

hum nynh mou

ngae a thyakhae cih?" cite a ho cih hae.

Lungtangnaw ae pyatu kha

pawkyamou kae ccungpah cih?

8 Nang tuh Nal vawpi pe umpaw

Thebes khua laeze na hoyhua tou?

Tuh-e khua tuh tui nynh po a koihlu,

rili tuh atolang e

rhawlungrua thua zah,

tui tuh a khualungrua nynh thua.

9 Ethiopia te Izip tuh

a thawzung nynh thua hae,

a thawzung tuh thangthya khyh;

Put te Libia tuh

aning a bawmtu hae nynh thua hae.

10 Tuhzemah Thebes khua kha

rhaw hae nynh

kyng hae zah a cciakhae hae,

laanpi atungkunaw takyh kyakhe

tuh-e khua kya-e imua taraw hae kha

zoihtatyh lan a deihnaw hae;

khua kya-e sawtuanaw

a ccou hae paw kha

ccungthydungte a neeku hae,

alesaepaw bawi hae kha

sivawrui te a khii hae.

11 Nineveh, nang mah

aruipaw lang na tang cih zah

zya na rekuh cih;

rhaw kyate rekunaw hmin kha

na ccungkuh cih.

12 Na rhawlungrua hae balyn tuh

masaty avoipaw

thaeku thae hawte nynh athua hae,

hybia lanze a aetu khalang

lungkhu lang a ccah hae.

13 Na rhawkaw hae khuh dotua hae:

na kya umpaw nopi

hae te nynh aloku hae.

Na ram kya-e koikua hae kha

na rhaw hae hanlan

ako lante hungpya athua hae;

na koikua ccong hae kha

maee nynh a u vae hae.

14 Rhaw nynh ae koih cih oh keiccuze

tui thekuh oh,

nae rhawlungrua hae kha tynsah oh;

anglae kha syde oh lah,

pung laephi kha sydete nonde oh,

ohkhe raenawpaw kha ccyngkuh oh!

15 Tuin kyakhe nanning kha

maee nynh ae u cih oh,

thaloi nynh phe pae lan ae bae cih oh.

Tungkhipaw nynh

looh a ae hawte ae ae cih oh.

Tungkhipaw hawte

pungzae khylan zuakuh oh,

khung-angroh hawte

pungzae khylan zuakuh oh!

16 Kungkupaw na ccungccaw hae kha

vaawlang e awsi laeze

na lungsah thung hae.

Tungkhipaw hae tuh

mih sake daw hae zah a zou hae.

17 Na rhawviatu hae tuh

tungkhipaw hae zeih lung hae zah,

na kuihkaw e bawi hae tuh

tungkhipaw phu zeih alung hae,

khuacci lya tureih kya um hae zah,

khuanin he thua te, a zou hae;

teilangmou a zou hae cipaw kha

humhung nynh mah nyh khyh.

18 Pou Assiria siapharan,

na tuurin hae tuh ih hae zah,

asung-epaw na ccungccaw hae tuh

marya ih hae.

Na ccungccaw hae tuh

mua hae vawlan khe

phiariphiarae um hae zah,

hum nynh sanmah suelua khyh hae.

19 Na vaemaw tuh hoy kho khyh,

chikhaeku khopaw

vaemaw nynh thua.

Na konglang a thaepaw balyn nynh

mih kuih ae bianua cih hae.

Pawccecize na rysawthyanaw kyate

a luepaw hummou a um?