10 versículos motivacionais: busque inspiração na Palavra de Deus

9 Kumbuka kuwa nikulagiliza uwe mgangamavu na galu. Sekeudumbe na sekeufe moyo kwaviya niye Mndewa Mulungu, Mulungu wako, nahamwe na weye hohose houhita."

31 Mbali wose womuhuwila Mndewa Mulungu, nayo kezawagangamiza.

Wezaguluka uchanyha fana masumula,

wezakimbila bila kulegela,

wezagenda na hawezasinduka.

4 Nihafosa hagati ya kolongo da ziza kulu,

sizadumba mbuli zihile,

kwaviya weye Mndewa Mulungu kwahamwe na niye.

Balati jako na mhome yako, vonikaliza.

37 Mbali kwa vinhu vino vose chipata kuhuma kwa kufosela yeye yoyachilondile cheye!

6 Mwime chigangamavu na muwe magalu, sekemuwadumbe, kwaviya Mndewa Mulungu, Mulungu wenu, kezakuwa hamwe na mweye. Hezamulekani na hezamwasani."

Kupula kukala na Mulungu

1 Mndewa Mulungu niijo bung’hulo jangu na ukombola wangu,

nimdumbe yelihi?

Mndewa Mulungu niiyo mhongono ya ugima wangu,

nimgudemekele yelihi?

5 Muhuwile Mndewa Mulungu kwa moyo wako wose,

iviya sekeuhuwile nzewele zako mwenyewo.

6 Chila mbuli youtenda, muleke yeye yakulongoze,

na kezagolosa nzila zako.

9 Mbali kanilongela, unovu wangu wokufaya, kwaviya udaho wangu wofikizigwa ng’hani muna unyondenyonde. Nodeng’helela kuigodela unyondenyonde wangu muladi udaho wa Chilisito ukale uchanyha yangu.

Mulungu kowazuma wanage

1 Iviya na cheye, chozungulukigwa na bumbila kulu da wakalangama haulongozi wetu fana vino, chileke chila mbahasha na uhasanyi wouchinanahila, chiiyohe kwa kufunya umoyo mwa yaja ya kwiihuma yoyekigwe haulongozi hetu. 2 Chimulole Yesu, mwene kwandusa na kukomeleza uhuwilo wetu. Kwaviya kavimanya deng’ho dondayapate hamwande, kafunyila umoyo kudanganika mumsalaba na halolile chinyala chake. Lelo kakala na udaho kuna ichigoda cha chifalume cha Mulungu.

Mulungu kaubanzi wetu

1 Mulungu ni kimbililo jetu na nguvu yetu.

Siku zose kaisasala kuchitaza,

muna ulusita lose lwa magayo.