1 Weye Mndewa Mulungu, yelihi yondayadahe kwingila muna dihema jako jelile?

Yelihi yodaha kukala uchanyha ya mulima wako welile Sayuni?

2 Niiyo munhu yokala fana Mulungu viyolonda,

yotenda mbuli zinogile,

yolonga ukweli kwa moyo welile.

3 Niiyo munhu hawadeta wanhu,

hamtendela zihile mbwiyake,

hebu kumulonga vihile mkaya miyage.

4 Niiyo munhu yowehula waja walemigwe na Mulungu,

mbali kowahishimu wanhu womdumba Mndewa Mulungu.

Niiyo munhu hagalula chilaho chake ng'o, hata one yahalumila,

5 hamwazima munhu hela yake kwa kulonda yambwelezele limangwe,

hahokela lushwa muladi kulonga uvwizi kusonhela munhu yelibule ubananzi.

Munhu yotenda mbuli izo kezagangamala.