1 Chikala hasi mumgwazo wa nyanda za Babeli,

chilila vichiikumbuke Sayuni.

2 Kuna imibiki ya uko,

chitumbika mabango yetu.

3 Kwaviya uko wawo wowachisolile walonda chiwembile nyila,

wehi wetu walonda nyila za deng'ho,

walonga, "Chimbileni wila umwe muna zinyila za Sayuni!"

4 Chodahaze kwimba wila wa Mndewa Mulungu,

muna iisi ya ugeni?

5 Weye Yelusalemu, one nahakuzimiza,

mkono wangu wa kulume uzimize kutowa bango.

6 One sikukumbuke weye,

na one sikugesile weye Yelusalemu kuwa deng'ho jangu kulu,

lulimi lwangu luyamhise na hanzagwa da mulomo wangu,

muladi sekenidahe kwimba.

7 Weye Mndewa Mulungu kumbuka chiya chowatendile Waedomu,

siku ija Yelusalemu viigwile,

viwalongile, "Bomoleni,

bomoleni chandusilo chake."

8 Wanhu wa Babeli mwizanangigwa,

kamweda munhu yondayamulihilizeni,

kwa chiya chomuchitendele.

9 Kamweda munhu yondayavigwile ving'hele venu,

na kuvihonda muna uluwe.