1 Nizakwimba wila wa ulondo wako na kuhumiza kwako voilondeka,

nizakwimbila weye Mndewa Mulungu.

2 Nizaigesa nzila igoloke,

vino kwizakwiza kumwangu zuwaki?

Nizatenda mbuli zangu kwa moyo umwe muna ikaye yangu.

3 Sizalola chinhu chochose chihile,

nozihila sang'hano za wanhu wotenda mbuli zihile,

niye sizailumba nawo.

4 Moyo wa usede wizasegela kumwangu,

sizatogola mbuli yoyose ihile.

5 Yomtendela udelenya mkaya miyage kwa mvisa,

nizamnanga.

Sizamfunyila umoyo yeli na meso ya chibuli na moyo wa magoda.

6 Nizawalola vinogile wanhu waminika muna iisi,

wadahe kukala hamwe na niye,

yeye yotenda mbuli zake kwa moyo umwe,

niiyo yondayanisang'hanile.

7 Habule munhu yoyose yotenda mbuli za uvwizi yokala mwiikaye yangu,

habule yolonga uvwizi yodaha kwima haulongozi wangu.

8 Chila imitondo, nizawananga wanhu wotenda mbuli zihile muna iisi,

nizawasegeza wanhu wehi kulawa muna dibululu da Mndewa Mulungu.