1 Weye Mndewa Mulungu Wili na Udahi,

hanhu houkala honogeza ng'hani.

2 Muhe wangu una hamu ng'hani ya kaye ya Mndewa Mulungu,

moyo na lukuli lose womdeng'helela Mulungu yeli mgima.

3 Iviya ndege wozenga mvulu,

sholwe waipatila visanza,

umo wokwika makinda yawo habehi na lupango lwako,

weye Mndewa Mulungu Wili na Udahi,

mfalume wangu na Mulungu wangu.

4 Wamweda wanhu waja wokala muna ikaye yako,

wanhu wokwimba nhogolwa zako siku zose.

5 Wamweda wanhu waja wopata nguvu kumwako,

wolonda ng'hani kuhita Sayuni.

6 Viwofosa muna dibawe ditangigwa Baka,

Mulungu kahatenda hanhu haja kuwa nzasa,

na mvula za vuli zomemeza vilamba.

7 Wogendelela kupata nguvu,

mbaka vondawafike haulongozi wa Mulungu uko Sayuni.

8 Weye Mndewa Mulungu Wili na Udahi, utegeleze nhambiko yangu,

kinga digutwi, weye Mulungu wa Yakobo.

9 Weye Mulungu, umulole mfalume yeli ngao yetu,

umulole goya ichihanga munhu wako iumsagule.

10 Siku dimwe kukala muna ikaye yako kunoga,

kufosa kukala hanhu hamwenga siku elufu.

Muhavu nihemile muna ulwivi wa Kaye ya Mulungu wangu,

kufosa kukala muna yamahema ya wahasanyi.

11 Mndewa Mulungu fana zuwa na ngao,

kochigesa na kuchihishimu,

hezawema chochose chinogile,

wanhu waja wokala vinogile.

12 Weye Mndewa Mulungu Wili na Udahi,

kamweda munhu ija yokuhuwila.