Zabuli 110

Mulungu kowatenda wanhu wahume

Zabuli ya Daudi

1 Mndewa Mulungu komulongela mwenevale wangu,

"Kala ubanzi wangu wa kulume,

mbaka niweke wehi wako hasi ya magulu yako."

2 Mndewa Mulungu kezautenda ufalume wake ugalamuke kulawa Sayuni,

na weye kwizatawala kuno wehi wako wakuzinga.

3 Wanhu wako wezakwizila bila kuwangilizigwa,

siku vondauhite kuna ing’hondo,

uchanyha ya milima yelile wezakwizila wabwanga wako,

fana nhungwe viigwa chilochilo ng’hani.

4 Mndewa Mulungu kailaha,

na hezagalula bule,

"Weye ni mkulu wa nhambiko siku zose,

fana viya ukulu wa nhambiko wa Melikizedeki."

5 Mndewa kaubanzi wako wa kulume.

Kezawahonda wafalume, siku ya ludoko lwake.

6 Kezazihumiza zisi na kuwakoma wanhu,

kezawahonda walangulizi chila hanhu muna iisi yose.

7 Mfalume kezakung’wa mazi ya lwanda mwiinzila,

ivo kezakwinula ditwi jake kwa uhumi.