1 Mndewa Mulungu, sekeunibwakile kwa ng'hasiliki yako,

sekeunitaguse kwa ludoko lwako.

2 Weye Mndewa Mulungu, uniwonele ubazi, mana nimalilwa nguvu,

Unihonye Mndewa Mulungu kwaviya mavuha yangu yogegeda ng'hani.

3 Muhe wangu wosafagila ng'hani.

Na weye, Mndewa Mulungu kwizagozela kunitaza mbaka zuwaki?

4 Mndewa Mulungu wize unilopole,

unikombole kwa ichimu cha ulondo wako wa kufunya umoyo.

5 Kwaviya habule yondayakukumbuke yahawa kadanganika.

Vino munhu yahawa kuzimu, yelihi yondayakutogoze?

6 Nilegela kwa kulila kwa usungu,

chila siku notapagiza komwa jangu kwa masozi,

notapagiza mto wangu kwa kulila kwangu.

7 Meso yangu yalegela kwa luholozi,

kwa ichimu cha chililo cha kugazigwa na wehi wangu.

8 Segeleni kumwangu mweye wose womutenda mbuli zihile,

kwaviya Mndewa Mulungu kahulika chililo changu.

9 Mndewa Mulungu kahulika chinipulile,

Mndewa Mulungu kezatogola mbuli zangu zonimpula.

10 Wehi wangu wose wezapata chinyala na kwazanywa,

wezabwela kuchisogo na wezapata chinyala kwa kusinhukiza.