1 Weye Mndewa Mulungu, mfalume kodeng'helela kwa ichimu cha nguvu yako,

kodeng'helela ng'hani kwa viya viumtazile.

2 Kumwing'ha viyolonda muna umoyo wake,

hulemile chiyapulile.

3 Kumwizila, kumwing'ha vitumetume vinogile,

kumvaza kombelo da zahabu yelile muna iditwi jake.

4 Kakupula ugima, kumwing'ha,

kumtenda yakale siku nyingi.

5 Mfalume kohishimigwa kufosela uhumi wako,

kumwing'ha nhogolwa na hishima.

6 Kumtemela mate siku zose,

kumdeng'heleza haulongozi wako.

7 Kwaviya mfalume komuhuwila Mndewa Mulungu,

kwa ulondo wa Mulungu wa kufunya umoyo kezasigala mgangamavu.

8 Weye mfalume, mkono wako wizawagwila wehi wako wose,

mkono wako wa kulume wizawagwila waja wokwihila.

9 Vondaulawilile, kwizawatakamiza fana tanuli da moto.

Mndewa Mulungu kezawananga kwa ludoko lwake,

moto wizawatimbula.

10 Kwizawananga welesi wawo muna iisi,

wana wawo hawezasigala hagati ya wanhu.

11 One wahailungila mbuli zihile kusonhela weye,

wezapotwa kufikiza malungilo yawo.

12 Kwaviya kwizawatenda wakimbile,

kwizawalinga muna ivihanga kwa misale yako.

13 Utogoligwe weye Mndewa Mulungu kwa ichimu cha nguvu yako!

Chizakwimba na kuutogoza udahi wako.