1 Mtogozeni Mndewa Mulungu.

Mtogozeni Mndewa Mulungu kulawa kuulanga,

mtogozeni Mndewa Mulungu kulawa uchanyha ng'hani.

2 Mtogozeni yeye, mweye wasenga wake wose,

mtogozeni yeye, mweye wakalizi wose wa kuulanga.

3 Mtogozeni yeye, mweye zuwa na mwezi,

mtogozeni yeye, mweye nhondo zose zozibung'hula.

4 Mtogozeni yeye, mweye ulanga uli uchanyha ng'hani,

mtogozeni yeye, mweye mazi yeli uchanyha ya ulanga.

5 Leka vinhu ivo vose viditogoze zina da Mndewa Mulungu,

kwaviya kalonga, navo vilumbigwa.

6 Kavika hanhu hake siku zose,

kalava lagilizo hadizagaluka siku zose.

7 Mtogozeni Mndewa Mulungu kulawa muna izisi,

mtogozeni yeye, mweye vilumbe vikulu va mwiibahali.

8 Mtogozeni yeye, mweye moto na mvula ya mabwe na seluji na kungugu,

na beho kulu dodilawilila kwa mbuli yake.

9 Mtogozeni yeye, mweye milima na vidundulima vose,

na mibiki ya matunda na mibiki yose ya mielezi.

10 Mtogozeni yeye, mweye wanyama wa kumbago na wanyama wofugigwa,

na wang'onyo wotambala na ndege woguluka.

11 Mtogozeni yeye, mweye wafalume wa isi na wanhu wose,

na mweye wakulu na watawala wose wa isi.

12 Mtogozeni yeye, mweye wabwanga na wandele,

na walala na wana.

13 Wanhu wose waditogoze zina da Mndewa Mulungu,

kwaviya zina jake ditogoligwe ng'hani kufosa mazina yamwenga,

ukulu wake wofosa isi na ulanga.

14 Kaweng'ha nguvu wanhu wake,

muladi wanhu wake wose wamtogoze,

na Waisilaili woyowalonda wamtogoze.

Mndewa Mulungu yatogolwe.