1 Unidike Mulungu youtenda voilondeka, unidike vonikutanga!

Unilopole vonikuwa muna uuzidilwa,

uniwonele ubazi na uhulike viya vonikupula.

2 Vino mweye mwizalema kudihishimu zina jangu mbaka zuwaki?

Molonda vinhu va ubozi na kulonga uvwizi.

3 Mndewa Mulungu kamsagula munhu mwaminika yawe wake,

Mndewa Mulungu kohulika viya vonimpula.

4 Mugudemeke kwa kudumba na sekemutende uhasanyi,

gelegezeni muna yamakomwa yenu na munyamale hupi.

5 Mulavileni Mndewa Mulungu nhambiko zozilondeka,

na mumuhuwile yeye.

6 Wanhu wengi wouza, "Yelihi yondayachitendele mbuli zinogile?"

Weye Mndewa Mulungu, uchiwonele ubazi.

7 Kumemeza moyo wangu deng'ho,

kufosa viuwamemeze weli na divai na ndiya nyingi.

8 Notambalala na nopata nhongo vinogile,

kwaviya novimanya weye Mndewa Mulungu kwizanilola goya.