1 Wanidununza kwandusila vinikalile mbwanga.

Waisilaili walonge,

2 "Wanidununza ng'hani kwandusila vinikalile mbwanga,

mbali wang'hali hawananihuma.

3 Wehi wangu wanilanha ng'hani muna umgongo wangu,

mbaka watenda milulumu mitali fana mifulunda ya kumgunda."

4 Mbali Mndewa Mulungu kotenda voilondeka,

kazidumula nzabi zowanitatalize wehi wangu.

5 Waja wose woihila isi ya Isilaili,

wabwelezigwe kuchisogo kwa chinyala.

6 Wawe fana mayani yokota kuna ichisuwili chizengigwe na msanga,

maabaho zuwa doyanyaza yang'hali hayanakula.

7 Ivo wawa fana mavuno yelibule ndiya,

na wanhu wolima wabwela bule.

8 Habule munhu yofosa habehi yondayawalongele wehi wenu,

"Mndewa Mulungu yamtemeleni mate.

Nomtemelani mate kwa zina da Mndewa Mulungu."