1 Wamweda wanhu womdumba Mndewa Mulungu,

waja wozindilila malagilizo yake.

2 Wezakuja ndiya zilawa muna imigunda yawo,

wezatemeligwa mate na kukala goya.

3 Wake zawo wezawelekela wana wengi fana mzabibu ukwima,

muna zikaye zawo, wana wezakuwa fana misukila ya mizaituni.

4 Ivo niivo vondawatemeligwe mate,

wanhu waja womdumba Mndewa Mulungu.

5 Mndewa Mulungu yakutemele mate kulawa Sayuni,

siku zose za ugima wako,

muladi ulole Yelusalemu viinogeza.

6 Uwe mgima mbaka uwawone wazukulu zako.

Wanhu wa Isilaili wakale kwa tindiwalo.