1 Mweye watawala, vino mohumiza viilondeka?

Vino vomuhumiza wanhu, mogolosa zimbuli?

2 Mogesa kutenda mbuli zihile,

mweye wenyewo motenda usede muna iisi.

3 Wanhu wotenda mbuli zihile kwandusila viwelekwe,

kwandusila mwiizinda za mami zawo, wawa watatali na wolonga uvwizi.

4 Wana sumu fana sumu ya zoka,

wasuwamagutwi fana zoka hadidaha kuhulika,

5 diya hadihulika dizi da waganga,

ingawa wotenda uganga vinogile.

6 Weye Mulungu ubene yameno muna imilomo yawo,

weye Mndewa Mulungu ubene meno yawo yalingile fana meno yokutwa ya simba!

7 Wage fana mazi yonyala,

wahalinga shabaha misale yawo iwe midugi.

8 Wawe fana kola voyofa,

wadanganike fana wimo ulawile.

9 Uwasegeze himahima fana miwa viihembelusigwa yahamala kukanhigwa.

10 Wanhu wotenda mbuli zinogile wezadeng'helela wahawona wanhu wotenda mbuli zihile wotagusigwa,

wanhu wotenda mbuli zinogile wezabojoga nyayo zawo muna idamu ya wanhu wotenda mbuli zihile.

11 Wanhu wezalonga, "Kweli, wotenda mbuli zinogile wopata gweko!

Kweli Mulungu kabaho yohumiza zisi zose."