1 Mulungu, uihulike ndilo yangu,

unidike vinikupula.

2 Nokutanga kulawa uhelelo wa isi,

nokulamba kuno moyo wangu woyangaya.

Unilongoze nifike muna uluwe wonikaliza na gombo.

3 Kwaviya weye niiyo kimbililo jangu,

mhongono yangu igangamale kwa wehi wangu.

4 Nolonda kukala muna ikaye yako siku zose,

muladi nikale goya fana kinda vidikala hasi ya mabawa ya mami yake.

5 Kwaviya weye Mulungu, kuhulika vilaho vangu,

kunitemela mate fana viuwatemele mate wanhu wodidumba zina jako.

6 Mongezele mfalume siku za kuwa mgima,

miyaka yake kwa nyelesi nyingi.

7 Yakale haulongozi wako weye Mulungu siku zose,

uchilolese vinogile kwa ulondo wako na waminika wako fana voulongile.

8 Ivo lusita lose nizadimbila nhogolwa zina jako,

na kufikiza vilaho vangu chila siku.