Zabuli 150

Mtogozeni Mulungu

1 Mndewa Mulungu yatogolwe.

Mtogozeni hana ihanhu hake helile,

mtogozeni kuulanga kokulagusa udahi wake.

2 Mtogozeni kwa sang’hano zake ng’hulu,

mtogozeni kwaviya viyeli na ukulu.

3 Mtogozeni kwa mhalati,

mtogozeni kwa ngoma na bango.

4 Mtogozeni kwa vivugo na kuvina,

mtogozeni kwa bango na chilongelonge.

5 Mtogozeni kwa kutowa vimbeta,

mtogozeni kwa vimbeta vihulikika ng’hani.

6 Chila chilumbe chili na mhumuzi chimtogoze Mndewa Mulungu.

Mndewa Mulungu yatogolwe.