1 Mwing'heni Mndewa Mulungu hishima mweye wasenga wa kuulanga,

Longeni, "Mndewa Mulungu kana ukulu na nguvu."

2 Gong'ondeni ukulu wa zina da Mndewa Mulungu.

Mtambikileni Mndewa Mulungu hanhu hake helile.

3 Dizi da Mndewa Mulungu dohulikika muna dibeho kulu muna ibahali,

Mulungu mkulu koduma mchanyha ya mazi mengi.

4 Dizi da Mndewa Mulungu dina nguvu,

dizi da Mndewa Mulungu dina udahi.

5 Dizi da Mndewa Mulungu dobena mibiki ya mielezi,

Mndewa Mulungu kobena mibiki mikulu ya mielezi,

mielezi yotile muna iisi ya Lebanoni.

6 Muna digudemeko da isi, Mulungu koipigisapigisa Lebanoni fana viya dang'ang'a da ng'ombe vidizumhazumha,

mulima Silioni wopigisigwa fana viya mwana ng'ombe mbago voyozumhazumha.

7 Dizi da Mndewa Mulungu dolawa,

fana lumwemwe lomweka.

8 Dizi da Mndewa Mulungu dogudemeza chuwala,

Mndewa Mulungu kogudemeza chuwala cha Kadeshi.

9 Dizi da Mndewa Mulungu doitenda mibiki mitali kunyopanyopa,

yokwanyula mayani ya mibiki mwiimbago.

Muna Ikaye ya Mulungu wanhu wose walandule madizi,

"Mtogozeni Mulungu!"

10 Mndewa Mulungu kotawala gombo,

Mndewa Mulungu ni mfalume siku zose.

11 Mndewa Mulungu yaweng'he nguvu wanhu wake.

Mndewa Mulungu kowatemela mate wanhu wake wakale kwa tindiwalo.