1 Nideng'helela viwanilongele,

"Chihite kuna ikaye ya Mndewa Mulungu."

2 Migulu yetu ima,

mgati ya nyivi zako, weye Yelusalemu.

3 Bululu da Yelusalemu dizengigwa vinogile,

muladi wanhu waiting'hane umo.

4 Uko niuko wokwela wanhu wa makabila ya Isilaili,

makabila ya Mndewa Mulungu,

kumwing'ha hewela Mndewa Mulungu fana viyawalagilize Waisilaili.

5 Kwaviya uko vikigwa vigoda va chifalume va kuhumizila,

vigoda va chifalume va kaye ya Daudi.

6 Puleni kwa ichimu cha tindiwalo da Yelusalemu,

longeni, "Wanhu wose wokulonda wakale goya.

7 Tindiwalo dikale mgati ya ng'huta zako,

na wanhu wakale goya mgati ya mhongono zako.

8 Kwa ichimu cha ndugu zangu na mbwiya zangu,

nizalonga, ‘Tindiwalo dikale mgati yako, weye Yelusalemu.’ "

9 Kwa ichimu cha kaye ya Mndewa Mulungu, Mulungu wetu,

nizadipulila bululu da Yelusalemu ditemeligwe mate.