1 Habali wanhu wa zisi zimwenga woitogolela kutenda mbuli zihile,

na wanhu woilunga kutenda mbuli za ubozi?

2 Wafalume wa zisi zose woisasala,

na watawala woiting'hana kuitogolela hamwe,

kusonhela mbuli zihile kwa Mndewa Mulungu,

na yoyamsagule kuwa mfalume.

3 Wolonga, "Chiisegeze muna utawala wawo,

na chizidumule nzabi zawo."

4 Mndewa yotawala kuchanyha kuulanga,

kowaseka na kowazeha.

5 Kowakalikila kwa ludoko lwake,

na kowadumbiza kwa kwihilwa kwake, kolonga,

6 "Nimwika mfalume wangu uchanyha ya mulima Sayuni,

uchanyha ya mulima wangu welile."

7 Nizagong'onda lagilizo da Mndewa Mulungu.

"Weye iyo mwanangu,

diyelo niwa tati yako.

8 Nipule, nizakwing'ha zisi za wanhu wamwenga kuwa uhazi wako,

na zisi zose kuwa zako.

9 Kwizawahonda kwa fimbo ya zuma,

na kwizawatula fana vizae va nongo!"

10 Lelo mweye wafalume, muwe na ubala,

mweye watawala wa zisi muzumike.

11 Msang'hanileni Mndewa Mulungu kwa kudumba,

na mtambikileni Mulungu kwa kugudemeka.

12 Mtumbalileni mavindi mwanage,

muladi Mulungu sekeyamuwoneleni ludoko na kumnangani

kwaviya kowona ludoko himahima.

Wamweda wanhu wokimbilila kukala goya kumwake.