1 Mndewa Mulungu yatogolwe.

Mwimbileni Mndewa Mulungu wila wa sambi,

mtogozeni muna umting'hano wa wanhu wokwaminika.

2 Waisilaili wamdeng'helele yoyawaumbile,

mweye wanhu wa Sayuni mtendeleni chelekocheleko mfalume wenu.

3 Waditogoze zina jake kwa kuvina,

na wamtowele ngoma na bango.

4 Kwaviya Mndewa Mulungu konogelwa na wanhu wake,

kowavaza wanyendanyenda kombelo da ukombola.

5 Waminika wadeng'helele hishima iyo,

na wembe kwa deng'ho ichilo chose.

6 Wamtogoze Mulungu kwa milomo yawo,

kuno wamha panga dikutwa muna yamakono yawo,

7 muladi kuwalihiliza wanhu,

na kuwatagusa wanhu wa zisi zose.

8 Wawatatalize minyololo wafalume wawo,

na wawafunge wakulu wawo mhingu za zuma.

9 Wawahumize wanhu fana Mndewa Mulungu viyalagilize,

uno niuwo uhumi wa wanhu wa Mulungu.

Mndewa Mulungu yatogolwe.